永安百貨超級購物日。心水清單

永安百貨一連10日嘅超級購物日喺5月4日至5月13日舉行，多款精選貨品將以優惠價格發售，包括各款傢俬電器、家品廚具、寢室用品、服飾鞋履、嬰兒用品、化妝品等等。我研究咗半日，發現有幾個係我心水之選，有好野梗係要同大家分享一下啦！

踏入天氣漸熱嘅五月，屋企嘅羽絨被同棉被係時候收好入櫃，而冷氣被同夏涼被就係大派用場嘅好時機。Esprit全棉床笠枕袋 (原價HK$550-HK$800；現特價HK$399)，做工精細，仲唔易起毛粒，啱哂夏天用！

我老公就最鍾意用毛巾被，嗰種涼浸浸嘅感覺喺夏天用真係會令人愛不釋手。葡萄牙製造 Mundotextil 雙人全綿毛巾被 (原價HK$1,750；現特價HK$490)，舒適透氣嘅觸感更可提升睡眠質素，一張就可以用上好幾年，抵買之選！

每日接觸身體以及臉部嘅毛巾，手感一定要係鬆軟而有彈性。日本品牌優質毛巾系列嘅面巾、手巾及浴巾(原價HK$38/HK$58/HK$168；現特價HK$16/HK$26/HK$82)，除咗摸落柔軟，精緻嘅收邊工藝亦令毛巾展現出高品質感覺。所以有時買嘢唔親手摸吓睇吓真係唔知件貨啱唔啱自己心水，購物絕不假手於人亦係我嘅購物哲學。

老公近年開始生多咗白頭髮，有時間我都想同他染吓髮。咁啱就比我發現到喺個人護理部有 Kao Liese Blaune 染髮乳霜 (原價HK$179.8/2盒；現特價HK$70/2盒)，成份天然含蜂王漿 (保濕精華)同海藻精華 (髮絲保護成分)，染髮同時護髮，咁就唔怕傷到頭髮。佢個迷你刷頭更加可以填補髮鬢、髮際線等微細部位，令我更有信心做老公嘅私人染髮師。宜家呢個價錢低過半價，買花王貨品滿HK$180或以上(淨值)，仲有Tempo紙手巾(18包裝)送，夠哂實用，我buy!

喺食品部見到黑糖薑母茶禮盒裝就諗起以前做女時經期唔準又痛嘅悲慘經歷。好彩後來朋友介紹我飲黑糖薑母茶，飲咗唔單止有暖胃嘅功效，月經都排得較為順暢。而呢個黑金傳奇黑糖薑母茶禮盒裝(18粒裝) (原價HK$99/1盒；現特價HK$99/2盒) 係我試過幾款品牌中黑糖甜度最適中，而薑味濃郁得嚟又唔嗆喉，飲落仲有薑絲，非常真材實料，飲完個人都會暖返哂！宜家買仲有水壼送，好抵呀!

八道韓國製造牛骨湯麵(1箱20包) (原價HK$164；現特價HK$78) 係我嘅至愛，啖啖牛骨肉味嘅湯底帶牛香又唔會太油膩，麵條煙韌彈牙有嚼頭，自己煮都可以有出街食嘅水準，宜家一箱4袋，每袋有5包，即係總共有20包，平咗一半呢!反正有free parking，一於原箱買走!

泰國製造瑞茲稻米油 1 公升 (Rizi Rice Bran Oil)(原價HK$89.9/1支；現特價HK$42.9/1支; HK$83/2支; HK$490/1箱12支)，稻米油曾被世界衛生組織(WHO)及美國心臟學會(AHA)推薦為最佳脂組成比例嘅健康食用油，更被譽為「壞膽固醇剋星」。呢隻稻米油味道清淡，油膩感大大降低，感覺仲無咁肥，係我健康煮食嘅不二之選，一於抬兩支返屋企啦!

我個仔係湯男，最鍾意飲湯，每日未開飯就問定今日有咩湯，我地幾乎每日都煲湯，所以貪方便嘅我都會買定啲湯包放喺屋企，以防忙嘅時候無時間買料都有得煲。原來南北行皇牌滋潤湯包套裝(6包裝)有平喎 (原價HK$268; 現特價HK$128)，好抵買呀！呢pack湯包包括有花膠養顏湯、金蟲草螺片滋陰湯、雪耳椰片潤肺湯、金蟲草潤肺湯、螺片健脾湯及靈芝養肝湯，都係滋潤養生為主，適合全家飲用，全年無分季節都飲得。只要存放乾燥通風處，可以擺好耐，我一見有平都會買定幾pack㗎！

工人話我知屋企個易潔煎鍋已經用到花哂，都係時候買返個新嘅鍋。我睇中咗雅窗牌韓國製造 Cookit系列28厘米單柄煎鍋 (原價HK$548；現特價HK$128)，之前電視都見肥媽用到出神入化。呢款煎鍋聲稱結構有五層唔同嘅塗層，包括可以避免喺烹調時釋出有害物質嘅雲石陶瓷塗層、有效抑制細菌生長且有不黏效果嘅納米銀塗層，而其餘三層就有增加傳熱同節省能源之效。不過對我嚟講最緊要係健康安全、不黏底、防刮花同易清洗，百幾蚊買比工人用，再刮花都唔肉赤啦。

孖寶洗白白嘅時候都好鍾意玩泡，所以沐浴露成日都會用得好快，我有時就會買吓其他實惠啲嘅品牌，當中包括紐西蘭製造 Health Basics同SkinIQ沐浴露，SkinIQ的所有貨品都通過皮膚過敏反應測試，不含化學添加物如硫酸鹽、苯甲酸酯類防腐劑、皂鹼、色素、香精、羊毛脂同丙二醇等不良成分。而佢嘅成份天然，性質温和，唔會刺激皮膚而引起乾燥、緊繃、灼熱、刺痛或瘙癢。大大支1公升，滋潤型同24小時強效保濕兩款都有 (原價HK$118/HK$158；現特價HK$54)，物超所值，買定兩支先！

仲有好多心水推介，不過都鼓勵大家自己去睇吓!醒目既您同我一樣要識得精打細算，買得多、慳得多!永安百貨超級購物日期間，除咗有免費穿梳巴士車大家去shopping之外 (須出示即日永安百貨發票)，購物滿HK$300，就有得免費泊車，唔驚買多咗野冇手拎;而購物每滿HK$1,500(淨值)，就可以參加即抽即奬一次，即時贏取永安現金券，慳上慳，錯過咗要等下次喇!

永安百貨網址: https://shop.wingon.hk/
Facebook: https://www.facebook.com/wingonhk/

永安百貨地址:

上環總店：香港上環德輔道中211號永安中心
營業時間：10:00am-10:00pm 港鐵上環站E3出口

彌敦道店：九龍彌敦道345號永安九龍中心
營業時間：10:30am-10:30pm 港鐵佐敦站A出口
尖東店  ：九龍尖沙咀東部麼地道62號永安廣場
營業時間：10:30am-10:00pm 港鐵尖東站P1出口