2018年5月25日 星期五

British Council 英國文化協會。參觀開放日

我雖然不是很谷孩子的怪獸家長,不過孖寶有參與開幾項興趣班,包括:游泳 (求生技能同體能)、滾軸溜冰 (小寶的興趣)、田徑 (大寶的興趣)。自升上小一成為小學生後,課程都幾緊迫,教得都幾快,有時未有好好打好基礎就已下一課了,一直我都認為英語係要長期時間去浸的,所以都打算為他們好好物色一間好的英語學習中心去補補課。


而學英語在香港最出名就係British Council 英國文化協會,我都有留意到她們不時有開放日同埋免費供家長觀課的English demo class,於是mark好時間,於早前的一個星期日,我跟老公一同帶孖寶去參觀一下。 

由於孖寶讀緊小一升小二,我們join了小一、小二的English demo class,一眾家長坐在一旁,觀看自己小朋友上堂,自從幼稚園K2時觀過課之後,我都好耐無觀課了。課堂是由外藉英語老師教,全英語授課,英國口音,好易聽得明,老師好親切友善,由於課堂好似集合playgroup + workshop 咁,有音樂、動畫、遊戲、畫畫,小朋友參與好多互動活動,一啲都唔悶咖!課堂內雖輕鬆,小朋友又肯投入參與,最重要係內容豐富,好輕鬆學到一些較深的詞彙同點樣組成句子,加深印象又唔再怕英語。好少機會觀課嘅我,見到孖寶係笑住咁上堂,睇到孖寶在堂上用到剛學嘅生字寫到完整句子出來,我都好開心!(由於課堂內不可拍攝,所以只能影小寶上堂寫學到的句子,是她自己寫的,對於本身未學過的詞彙,一堂就學懂還用到,我覺得很不錯了!    


之後小朋友們就去另一間房做written and oral level test,要入讀呢度的課程全部要經evaluation先可以上咖!



小學趣味英語課程也有分Standard   Plus兩個程度,但課堂的內容兩班都一樣的,Standard係俾平時少有機會講英語的小朋友,課堂上會讓他們多些機會講英語,培養他們對講英語的信心,而Plus則是給已多講英語的小朋友,雖然他們有講英語,可是有機會因grammar未學懂而有錯漏,Plus就是集中在文法的基礎上,我覺得咁樣好好,取長補短、因材施教!而做evaluation就可減少報錯班而造成的錯配情況出現,也不會浪費家長的錢啦!孖寶做完test見顧問,給我的comment是一個適合Standard一個適合Plus,顧問也給我一些好有建設性的學習提議,很helpful呢!





九月孖寶升小二,從章程中留意到每個Level 的課程的每個單元的內容很吸引同實用,都係圍繞生活上的事物,小朋友每個單元會完成英語習作,仲有網上學習平台自動批改的文法及詞彙學習,總之一定學到野,而且係睇得見的進步,都令我好另眼相看。





另外有一樣我覺得幾好,真係一定要提一提,好多時學英語,見到那些工作紙或grammar書已大叫好悶,我地大家拎起都擺低啦,更何況小朋友丫!呢度上堂係用一本本好似雜誌咁篇制嘅教材,內容好生動,顏色同畫都好吸引,內裡有不少遊戲內容。



書蟲小寶固之然看過不停,連平時唔太多喜歡睇英文書嘅大寶都拿起來看過不停,真教人驚喜呢!我都好希望他能自行閱讀英文書,增加更多的詞彙,對他將來英語作文都有幫助嘛!




-->
當我以為British Council 英國文化協會咁出名,位置又於黃金地段,學英文一定超貴啦!點知當我比較下價錢之後,再加上一些早鳥及開放日優惠後,竟然發覺同平時我地平時上的英語拼音班差不多價錢啊!



我老公不多意見,唯一意見係認同學英語師資最重要,呢度的老師都係有豐富的教學經驗,係香港都有70年歷史好知道本地學校的syllabus,加上有一套他們的教學系統,明顯比街坊商場的英語中心專業啲!想起我小學的英語老師,呢點我超級認同啊!我自己一直都覺得英語係要浸嘅,非一朝一夕就學得曬,尤其是我地母語唔係英語,更要俾多啲機會去學同練。



驚喜發現原來有些班,除了金鐘總部外,還有紅磡、沙田、將軍澳、油麻地同荃灣都有分點可以供上堂,內容同師資跟金鐘無分別咖!咁好好多啦! 不過我地都要夾下其他興趣班時間,所以最後我地拎了些章程回家慢慢研究一下。


小寶是有天資的,無理由唔好好培養她!大寶是有點不足,無理由唔幫他⋯⋯


初步構思先上個暑期班先⋯⋯



呢度有暑期英語課程的Link: https://goo.gl/JoRC4e

British Council Hong Kong:
Website: https://www.britishcouncil.hk/
Facebook: https://www.facebook.com/BritishCouncilHongKong

#BritishCouncilHK #
英國文化協會 #學習英語 #小學英語 #開放日#英語課程 #暑期班 #暑期英語班 #summercourses