2017年1月3日 星期二

Bosch 洗衣機神器


做了家務十幾年,如果您同我一樣對於一個有小朋友既家庭,又對健康生活及家居衛生有返少少要求,就要細心睇下呢一篇文!上星期我就同孖寶去了中環Bosch Galleria舉行既ActiveOxygen™活氧除菌洗衣機體驗日參觀,由專人同我介紹這部最新的洗衣機,可以不用消毒劑也可做到殺菌,好神奇!而家就同大家分享下。

洗衫都唔可以馬虎!
做媽媽當然最關心既就係小朋友既健康,所以生活上任何衛生細節都要細心留意,以前我地一個小朋友病,另一個好難避得開唔受感染。即使平時日常生活吸塵、打掃、空氣清新樣樣做足,正所謂衣服如我們第二層皮膚,小朋友既衫清洗亦不容忽視,的確我地可以係洗衫既同時加入消毒劑或有消毒成份既洗衣粉去進行消毒衣物,但總是會擔心消毒劑會殘留係衣物既問題,如果對於一些皮膚較為敏感,特別係初生、濕疹皮膚,為了皮膚不受影響更應要避免選用這些含化學物質成分既洗衣劑。



唔駛用消毒劑都殺到菌?
洗衫要做到消毒,離不開用消毒劑或者用高溫洗,所以當我知道Bosch部新洗衣機有ActiveOxygen™ 活氧除菌作天然消毒既功能,兩樣都唔需要都能做到真正消毒就好有興趣。了解過後發現原來好多時都用得著,都幾實用。


Bosch呢部洗衣機,加入咗一種叫ActiveOxygen™活氧除菌既天然除菌技術,平時日用穿著的衫,在一般的洗衣程序同時選擇ActiveOxygen™功能,佢就會係清洗既過程中分別係洗滌前同最後脫水前加入ActiveOxygen™作天然除菌,噴出一陣好似霧甘既氣體,其實就係ActiveOxygen™啦(大寶睇到嘩嘩聲!),無需添加任何化學消毒劑,仲經德國WFK研究所測試証明可殺滅 99.99%*細菌,連大腸桿菌同沙門氏菌等都殺到。而且全程以低溫洗滌,無需高溫處理,避免小朋友衣服甩色縮水等問題,唔單止達到透徹的潔淨衛生效果,衣物都Keep得好一點。


咩係ActiveOxygen™?
說到ActiveOxygen™活氧除菌,其實是什麼原理呢?活氧又名臭氧(Ozone O3)是一種百分百天然物質,主要存在於臭氧層,保護人體不受紫外線侵害。臭氧具有消毒殺菌、辟除異味以及消除殘留化學成份等多項功能。由於活氧不含化學成份,而且會自然分解成空氣,對人體及自然環境均不會構成傷害。其實在各大政府及商業機構已廣泛使用於空氣淨化、淨水及污水處理、食物處理等,以至工業用洗衣系統和汽車冷氣清洗及車廂除菌服務等。而應用係洗衣機中,可低溫洗滌, 呵護衣物同時殺滅99.99%*細菌,Bosch可算係先鋒之一。



消毒除味連乾洗都免?
如果您經常遇到以下既情況就更加要睇落去,因為Bosch呢部洗衣機有個叫ActiveOxygen™ Refresh活氧清新功能絕對幫到您。
*平時老公既西裝褸、制服、小朋友既校服、校褸等,有時未必會日日洗,但又可能已經於工作環境及學校沾染細菌;
*小朋友既心愛毛公仔看以乾淨,除了塵蟎之外,更滿藏細菌;另外毛公仔本來好柔軟,一洗就皺晒唔再滑;
*每次換季都好希望有方法辟走長期置於衣櫃的冬天衣物上那陣霉噏味,但又無可能逐件衫洗及曬;
*唔再岩著既小朋友衫,在轉贈別人時總想清潔一下才送出;
*有時買咗新衫,洗又怕走哂樣,唔洗又怕唔衛生;
*有cashmere料既冷衫、頸巾,絲綢上衣及絲巾、深色vintage牛仔褲、帶有鋼紗的公主裙、布織背包及環保袋等等想refresh下;
*打邊爐、韓燒、BBQ後,雖然所穿的衣物沒有弄污,但有時難免會沾上一些氣味。


以上這些本來非乾洗不能的衫,宜家洗衣機有了ActiveOxygen™ Refresh 活氧清新功能,毋須用水洗滌,直接用ActiveOxygen™將細菌分解,完成Refresh程序仲keep住乾爽,只要輕輕放係通風位吹一陣就乾透,唔怕洗後晾曬不徹底乾透反而會令細菌滋生。另不經水洗滌也不怕令毛公仔在機洗時走樣,可以有效除菌同時,又能快速除去衣物上的氣味如油煙味等,亦可全面保護衣物纖維,即使自己在家也能擁有專業消毒護理了!

之前我都不明白Bosch 這部洗衣機點解咁貴,雖然是家庭式9kg洗衣機,但深入了解後就覺得原來真係好實用,而且德國製造同內地生產又係唔同既,衫就日日洗,增設ActiveOxygen™ 活氧除菌功能,亦值返係度。。。我都好想換機呀!

型號:WAW28750GB
建議零售價: 港幣 $10,800

Bosch Galleria
地址:香港中環雪廠街 16 號西洋會所大廈 1 (另設入口於都爹利街
電話:2191 3388

網址www.bosch-home.com.hk
Facebookwww.facebook.com/boschhomeHK

*經德國WFK研究所測試,快速/混合衣物(冷水)”程序與普通洗衣液清洗4公斤洗衣 量,能有效殺滅99.99%的大腸桿菌及沙門氏菌等細菌。測試報告MB 7623/15 (2015 729)

-->