2015年2月6日 星期五

孖寶新年買衫記

新年新開始,當然要買新衫新褲新鞋子俾我最愛錫既寶貝啦。新年要準備好多野,要四處奔波去購買賀年食品又要同孖寶扮靚,靚媽真的唔易做。上次我為左購買賀年食品而四出奔走,老公見我咁辛苦拎了支燕窩給我滋潤返,其實都幾sweet同開心。

這次分別去了海港城同埋九龍灣德福廣場去揀,有些鞋碼要再去銅鑼灣皇室堡先有,行左足足兩日先買齊,真的好累。不過為左一家人開開心心慶祝新年,辛苦少少都係開心既!
 
行左幾個場及無數既童裝店,最後我在這兩間分別揀了衫及鞋給孖寶。


買了一大堆,真係拎到我死死吓。。。不過終於都完成都令我鬆了一口氣。。。


這套衫我一見就非常喜歡,ELLE很多季的童裝我都好喜歡,特別是我本來就很喜歡帶點英倫風格的童裝,好易挑到合適的,這套三件可依不同場合去配襯,整套穿上或是分開配襯都很有格調。

小寶妹十分喜歡兔仔,任何有兔仔造型的東西,她都會喜歡,小寶常常說希望好像媽媽一樣有手袋用,就買下這個小手袋用來裝新年的利是吧!新年利是袋一定要夠長夠濶長擺得下長方形的利是啊!

這對stride ride出品的皮鞋用料很好,雖然為方便孖寶跑跑跳跳,平時穿的鞋子都以輕便的波鞋為主,這對皮鞋買來拍攝及年中做花仔時穿的,我在店內也曾經糾結過,不過我認為一對舒適的鞋對成長中的小孩來說是非常之重要的,當中以質料為最主要考慮,所以最後還是肉痛的買下。。。


這對同是在stride rite買,不過品牌是adidas,小朋友時常跑跑跳跳,這對更輕便及靈活性,適合日常穿著,加上我看中它的小熊造型,很可愛呢!買!

雖然我不情願,但小寶在同學及電視上已經學懂做公主是會穿裙子,及一對靚靚鞋,挑選這類鞋子最好要有腳上橫向一條帶,這樣就算未完全fit size也無咁易甩鞋。雖然同樣是為了拍攝、過年、生日及做花女,我還是買下它,小寶看到時開心笑哇哇大叫,我看在眼裡也很開心。


這兩條裙又是我猶豫買那一條時,最後被魔鬼戰勝了,買哂,無煩惱。


孖寶婆婆成日都說,買童裝買大一碼,有時我都唔太認同,反而認為幫小孩揀衫應該揀適合季節,而且可以即買即穿了,因為香港大部份小孩的衫過多,如果這時買大一碼又穿唔到,閒置在家中反而好容易會遺忘,當換季找出來時,可能已經穿不下,或唔適合季節穿著呢!所以說媽媽為小孩買衫真係好傷腦筋呢!


由他們來試穿我挑選的衫,我發現他們大得好快啊!他們成長了。。。我也老了!我拍下他們穿上新衣的興奮既樣來回味呢!每次看孖寶的成長片段,我就好感觸,唔想自己咁快老,一定要健健康康咁陪他們經歷人生的每個大日子!所以我都有自己既Keep 住滋潤同健康既秘訣,人地話女人唔保養好易老,好在我都識得錫住自己,有日日食開燕窩補身,好多人都說我比真實年齡年輕很多呢!嘻嘻!

他們很喜歡我揀選的衫,那些開心及充滿期待既神情已被我拍下來記念,穿上身的效果也一如我心目中所想的,這次真係無買錯衫,我也很有滿足感呢!


行了一日,回家已經累極了!老公一看我選既衫,即時問過年不如以往的會穿傳統那些賀年服嗎?妳無買既?我不會說:「又唔見你去買?!」只會說:「噢。。。忘記了!又要再去買添!」哈哈!


翌日我就抽時間去了荃灣鱟地坊那邊,為孖寶購買傳統的賀年服飾,這裡款式很多,最重要係尺碼齊全!至於買了那件就賣個關子,留待初一才跟大家分享。

除了買野給孖寶之外,我都有買野俾自己架!這幾個鑄鐵煲就是我最近的新寵,特別係那個粉紅心型的淺鍋,是我老公送給我情人節禮物呢!好開心呀!

其實好多人都讚我老公對我真係好好,我想可能係我一直無認為他的付出是應份,我每次也很感謝他為我及為頭家的付出,仲真係會將感激既說話說出口讓他知道,當他知道自己做的事情係有人欣賞,就自然會be a better man。。。我有時都會氹氹他,可能這些就是我們維持感情的小秘訣吧!


其實,最近老公工作亦好忙,而且還要預備三月份到亞太區四個地方公幹而成日加班,這天無買野俾佢添!一於獎佢,俾佢同我分享我的冰糖燕窩,齊齊滋潤補一補。。。我地要一齊加油呀,老公!