2015年1月30日 星期五

自制簡易「尊貴滋潤燕窩年糕」

坦白說,龍鳳媽媽真係唔太叻整野食,嫁人之前唔需要入廚,少了整野食既慧根那種,就算煮,我都係只有煮一些簡易家常菜,但從來無打算挑戰賀年食品,不過自從我成為了鑄鐵鍋的fans 更加入了facebook 群組,看到很多谷友利用廚具,加上簡單既食材就整到精美糕點出來,我就蠢蠢欲動想試一試。

今年挑戰整年糕的另一個原因,就係街的年糕有防腐劑,始終都係自己整好些,早前我戰戰兢兢下完成我人生中首個賀年糕點 - 桂花馬蹄糕!原來比相像中容易整。雖然個樣唔算好靚,但總算食得落肚,我朋友W小姐說味道唔錯呢!

試過成功之後,我對自己有返多信心,這次我整一個送給媽媽,為了突顯她係我心目中既地位,我想到今次加入燕窩做一個「尊貴滋潤燕窩年糕」,因為燕窩可以促進細胞再生和免疫功能,有助保持身體健康,仲可以滋潤皮膚,不過用燕窩要浸洗及發開好花功夫及時間呢!

為左減省浸及發燕窩既時間,我改用好易買到既即食燕窩來整,比起自己整燕窩方便又快捷。我用既係白蘭氏® 冰糖燕窩,用既真係上等純正燕窩,用來加入整年糕既矜貴又有心,真係好適合整來孝敬媽咪啊! 

「尊貴滋潤燕窩年糕」食譜:
材料:
糯米粉 200
澄麵粉 70
冰糖燕窩 3
片糖(稍切細)1
黑糖 少許
 1杯(250毫升)
油 1茶匙
雞蛋(打散成汁)1

隔起即食燕窩的冰糖水,備用。

做法
先用鍋將 1杯開水煮滾,加片糖及黑糖煮至完全溶解,再將燕窩的冰糖水加入,並放涼後備用。由於冰糖燕窩本身已有清甜的味道,可按個人好甜度而調節片糖的份量。

將糯米粉及澄麵先過篩,再逐少將冰糖水加入,並一邊加一邊不停拌勻,再加上少許油,拌勻至完全混合。

掃上油的糕盤上,加入燕窩,再倒入粉槳,放入鑊中,用大火隔水蒸約 60 75分鐘。 
放涼後置入雪柜中冷凍至少三小時至年糕硬身一點,這樣才較容易切片。

蘸蛋汁以用平底鑊,用中慢火把兩面煎至金黃色,及至軟身趁熱供食。

切開年糕時就看到燕窩了! 


我拍了個片段給大家看,我家寶首次吃到媽媽親身整的年糕,喜歡到不得了!這次把普通既年糕升格做「尊貴滋潤燕窩年糕」,滋補及營養提升,食完皮膚仲會靚靚呢!將最好的與無盡的愛意送給最愛既孖寶及敬愛既媽媽,他們一定感受得到我既濃濃心意。

我還剪輯了成小片段來記念這一刻: http://youtu.be/3CpWVbGSszs.

有興趣的您,也可以試試我這個小方法,將各款年糕upgrade啦!