2014年10月15日 星期三

寶寶日記:11/10/2014

寶寶日記:11/10/2014
孖寶性格大不同,小寶個性雖強,但較為溫柔懂世情,在很早之前已經發現她愛跟人分享。。。不論是心愛的玩具及食物,只要我們跟她說想要,她都會肯俾。。。

這天跟她傾計的對話好好笑,我問她肚裡面有咩,她竟然識得答我係illuma!我就即時拿起手機來再拍一次,我地對話仲愈講愈長。。。


去片: http://youtu.be/jWpn5UJo2pw

媽媽:bobo,妳肚腩入面有咩呀?
寶寶:illuma!(笑)
媽媽:illuma!係咩黎架?
寶寶:奶!
媽媽:係奶呀?妳飲咩架?妳係唔係飲奶?
寶寶:係呀!
媽媽:好唔好味架?
寶寶:好味!
媽媽:妳係唔係最鍾意飲illuma奶奶呀?
寶寶:係呀!
媽媽:可唔可以請媽咪飲?
寶寶:唔!(點頭)
媽媽:請唔請哥哥飲?
寶寶:唔唔!(點頭)
媽媽:爸爸呢?
寶寶:唔唔唔!(點頭)
媽媽:請哂俾其他人,妳無份,好唔好呀?


寶寶:唔好呀!(激動)
媽媽:點解啊?!
寶寶:要分享。。。(好細聲。。。有點擔心)
媽媽:妳都要飲係唔係呀?
寶寶:(點頭,少少扁咀)
媽媽:咁如果妳又有,可唔可以請其他人呀?
寶寶:可以 (仲係好擔心)
媽媽:咁如果俾哂其他人,妳無呢?得唔得呀?
寶寶:唔得!(繼續扁咀)
媽媽:點解啊?!


寶寶:因為要。。。分享架!(見到媽媽係鏡頭後側笑,終於知道媽媽整她,笑返喇!)
媽媽:因為要分享呀!(媽媽扮她聲調) 好啦!妳食得飽唔飽?
寶寶:飽!(招牌笑容)
媽媽:飲奶奶好唔好味,飽唔飽呀?
寶寶:飽!(高音,好滿足)


媽媽:俾媽咪睇吓妳個肚腩dum有無好大個先。。。
寶寶:(突出肚仔來。。。)
媽媽:嘩!妳個肚腩dum好大個啊!係咩?大。。。大腩咩?
寶寶:大腩肚
媽媽:係邊度呀,大腩肚?
寶寶:(再突出肚仔來。。。)
媽媽:嘩!真係好大個喎。。。


別以為三歲的小孩不懂事,小寶妹可是很懂甚麼是「有」、甚麼是「無」、甚麼是分享「大家都有」的觀念呢!一說到唔俾奶奶佢飲就扁咀。。。哈哈!