2014年9月27日 星期六

孖寶大膽新體驗。昂坪360 纜車

好開心收到邀請讓我可以帶孖寶去坐昂坪360纜車玩玩,為了唔想太多人太迫,我們選了星期五的中午,他們放學後就向東涌出發!

果然,平日真係少人好多呢!完全唔駛排隊!


 記得要留意回程既開放時間啊!唔係就要坐返巴士出來東涌架喇!


由於小寶妹人比較「蛇quare」為佐這次坐水晶車我特別跟她作了心理準備。。。其實當時我都已經預佐整個車程都係被佢攬實。。。哈哈!


 完全唔駛排隊!


我們當然也有了解交通安排啦!(http://www.np360.com.hk/tc/visitors-information/np360-transport-info.html)


我地仲可以係網站上網上預訂7天內之門票,可以不用要排超長龍等買票啦!(http://www.np360.com.hk/tc/booking/np360-online-ticket-booking.html)
就快上車喇!水晶車與普通車分開了兩條隊,由於水晶車比普通的貴一點,所以會人龍較少,另一面,普通車又會比水晶車多。(http://www.np360.com.hk/tc/booking/np360-ticketing-information.html)


睇小寶個樣就知道佢有點興奮,又有點緊張,我又何嘗唔係呢?!好驚妳會驚到喊呀!


上車喇!

第一個驚喜係大寶完全唔驚,係開車3分鐘後就已經落地企喇!



我在上車前一刻跟小寶講了幾句magic word:「寶寶,陣間架車個底係玻璃架!透明架!可以俾我地睇到風景同海,不如我地睇吓見唔見到大魚同雀仔丫。。。我地星期一返學校話俾何老師聽我地好勇敢唔驚,好不好?」小寶即時勇氣上身,加上好勝,即時話好!果然magic word有用。。。真係唔驚喎!


媽媽就輕鬆哂。。。有時間玩吓自拍,嘻嘻!


全長3.5英里的昂坪360,車程中飽覽整個大嶼山的自然風光,只需要25分鐘的車程就可以由東涌市中心(即東涌港鐵站)到遠眺宏偉的天壇大佛。


不說不知,原來昂坪360纜車獲英國電訊報於20146月份的旅遊網上刊出「世界十大驚喜纜車之旅」的名單,昂坪360躋身其中,與其他國家同時入選的著名纜車,包括瑞士石丹峰雙層露天纜車、加拿大班夫國家公園硫磺山纜車、南非的開普敦桌山纜車和巴西里約熱內盧糖麵包山纜車等一同並列十大,好叻!


 小寶妹就係媽媽的好model,叫影相完全手到拿來。。。乖乖!



森林在我們的腳下!真係好特別的體驗呢!


這張相,在從電腦屏幕再看就有點驚嚇度喇!


其實我本來是有一點畏高啦!不過一心要關注孖寶的反應及拍照片,分了心無時間去驚,而且在確定他們唔驚之後,我亦習慣了!大地、海洋、森林都我的腳下,還愈看愈興奮呢!

值得一提的係在車箱內好寧靜的,風聲很輕,而且車箱好定,不會感到搖搖晃晃,感覺安心,驚慌度亦減低了不少!


遠遠都看到天壇大佛了!

爸爸也跟孖寶胡扯了一個大佛的小故事:「從前,有個人坐係度唔郁,之後就變成了大佛,一直坐係度喇!」,小朋友信唔信?您們說呢?!(我家的小孩特別純真 XD)

孖寶聽說小故事也即場扮了大佛坐起來。。。我覺得他們好可愛呀!



好快到喇!

25分鐘的車程在大家沿途聊聊天看看風景就完結了!好開心呢!


離開車站,第一站竟然係shopping買紀念品?!

習慣了要bye bye。。。孖寶也有揮手bye bye纜車。



之後,我們看到的就是古色古香的建築群。

即是昂平市集大街,有餐廳、昂坪自然中心、商店、展覽室、活動教室、360舞臺及360動感影院。。。


他們已經選定了想吃的甜甜圈。。。哈哈!
  
係其中一間商店中。。。小寶指住珍珠鍊對爸爸說:「爸爸,媽媽果d頸鍊呀!要唔要買呀?!」我在旁邊拍照邊說:「叻女,寶寶!」


在市集大街亦看到天壇大佛,完全唔會有迷路的機會!



昂坪市集新增設了兩個以電影為主題的新設施「360舞臺」及「360動感影院」,是全港首個結合勁歌熱舞與香港電影嘅大型戶外表演,舞出70年代A-Go-Go、功夫武術、消防英雄及喜劇幫派群舞四大經典電影場面,由於「360動感影院」孖寶唔夠高而錯過了,而「360舞臺」的大劇院都幾好看。

可是當做到功夫武術時小寶就說驚要走,我唯有帶了她外出邊拍照邊等爸爸及大寶看完出來吧!


出到來說笑哂,吹脹!

會合之後,我們就過了對面的昂坪自然中心,又是說說故事及教育小孩,甚麼愛護小動物及大自然、珍惜食水及用紙的最佳時候!


 一直向大佛方向去向前行就見到其他國家的纜車展覽,他們好有興趣呢!


 路經過山水豆腐花店,我們就去歇一歇,吃點東西!


之後再步行多十多分鐘就到達寶蓮禪寺的區域。


只要抬頭就會看到宏偉的天壇大佛了!


曾經有一刻想同孖寶行上去,但一想到如要行到一半要抱 (他們那天未午睡) 咁就大獲了!


而且時候亦不早,我們也要趕上在六點纜車關閉前離開,因此就只影相就離開了!

有人玩到唔捨得走。。。哭了!


妹妹就去逗他玩玩啦!(請一直都相親相愛下去。。。)

又有得睇車底風景就又笑返了!



由於回程水晶車箱那邊是沒很多人等,我們一家四口自己坐一卡,小鬼亦無事無忌憚的躺下來。。。


 大膽到爸媽也估他不到。。。

 還叫埋我們一起睇船呢。。。


 我有少少驚,一於只顧拍風景照,就只有這裡才可以咁高看到整個機場景吧!


黃昏的景色,很美!
  
時間過得好快,大膽新體驗。昂坪360纜車之旅大成功!相信一定會有一次!

以上門票由昂坪360纜車提供,文中的個人感受只供參考之用。

Weisite: http://www.np360.com.hk