2014年8月12日 星期二

龍鳳寶寶。性格大逆轉

從一個新手媽媽再患上產後抑鬱,從大公司小職員到公司董事,美容及親子博客到專欄作者,一步一步好似有神安排好,由谷底給我體會再慢慢的爬返上去,挑戰自己再上高峰,早前出差前back up 電腦時再翻看這幾年的相片,真有百般滋味在心頭。。。再看到這兩張相,我的BB啊!好得意啊!原來不經不覺間,時光已經流走。。。

一直以為好乖好純真的大寶哥已經變了!貪玩、好動、百厭的男仔格出哂黎!專做爬高爬低危險動作,好多時都被佢激親。。。

反而曾經長期厭食令我好大壓力至情緒出問題的小寶妹,以前覺得佢好難湊,又唔肯飲奶、食糊又唔多又唔肯睡,如今她話頭醒尾,典型女仔格,痴身又乖又聽話把口甜到漏,當年點都唔飲奶既佢,自從轉了飲illuma 2illuma 3之後就愛上飲奶,如今無論是正餐的食量或是飲奶量都比哥哥還好呢!

孖寶常常說奶奶好好味!

通常都會乾杯架!

有人亦都有時會百厭咁飲啦!唉!好勞氣呀!

別看小寶高高瘦瘦,她仲係正宗包包臉呀!

九月就轉校升K1喇!正式成為學童喇!我也會開始安排一些輕鬆以培養興趣為主既興趣班給他們,希望他們及我都可以順利適應啦!