2013年6月15日 星期六

嘉賓:Dyson 用家分享會

自從龍鳳媽媽認識及用過了Dyson的吸塵機之後,我同老公即時成為了Dyson’s fans。我們都認為雖然Dyson吸塵機比市面其他的品牌貴,但無論在性能及功能都超哂班,物有所值啊!



早前龍鳳媽媽更獲Dyson邀請,到他們在屯門市廣場的Roadshow中作嘉賓,分享我的用後感,及一部吸塵機如何讓寶寶跟敏感Say Goodbye





當日的場面十分熱鬧,吸引好多一家大細來參觀,大家都對Dyson好有興趣。



不能少的Dyson招牌產品,就是劃時代設計的無葉風扇,這個佈置真的一絕,中間的氣球快速的圍繞經過,不走近也讓人感覺到風扇的強大送風。



還有早已經打出名堂的Dyson的真空吸塵機,幾個型號都設計型格,加上機身小巧,非常適合空間細少的香港家庭,當中吸力永不減弱,沒有集塵袋,可以吸到細少的塵垢及塵蟎既排泄物為賣點之一,我用過即時大力推薦給親友購買啊!




當日有個小型遊戲,大人也因此而看到一個吸塵排頭的精密設計,小朋友更是投入,不知會否激發他們對機械設計的興趣呢?!



說回分享會,我看似好輕鬆?無錯,其實我又真係好輕鬆,雖說個分享會有15-20分鐘之久,但本身要說的都是我真實用家心聲,唔駛背書就自然唔駛緊張啦!



題目是如何讓寶寶跟敏感Say Goodbye?相信也是很多BB媽媽都想知道的,所以圍觀者眾,反應不錯啊!



跟主持一起chit chat,就像是閒話家常的。



我也在這裡節錄小小內容:

我對清潔同防敏都特別著重,因為屋企有兩個小朋友,如果清潔做得唔好,好容易會敏感,一敏感就要睇醫生,小朋友辛苦之餘,作為家長都會好擔心。基本嘅日常清潔一定唔可以求其,因為屋企嘅小朋友成日都係屋企四圍走四圍摸,如果屋企清潔得唔乾淨,小朋友好容易將細菌食入肚。我多數先會用吸塵機去清潔,相比單單用掃把或地拖,只有吸塵機先能夠真真正正將塵垢吸離開屋企。吸塵機配合伸縮管同埋唔同嘅排頭,清潔隱蔽嘅位置就會容易得多。


選擇吸塵機除了一定要吸得乾凈,特別係要吸走眼睇唔到嘅致敏原,原來我一直以為好乾淨嘅屋企,好多地方都係致敏原嘅溫床,特別係我地日日瞓嘅嗰舖床,原來係上面滿佈死皮、頭髮,最恐佈係有好多好多細到睇唔到嘅塵蟎、佢地嘅排泄物同埋屍體,呢啲通通都係致敏原,以前我真係唔知,但有咗小朋友,做多咗research先知甘恐佈。


其實之前我都試過好多個唔同牌子嘅吸塵機,用水嘅、用塵袋或者唔用塵袋嘅都試過,都有話自己能夠吸走致敏原,直到我認識到Dyson我先知原來Dyson圓筒式吸塵機都已經羅咗英國防敏協會嘅認證,證明可以吸走致敏原,令我對呢個牌子更有信心。


記得第一次吸嘅時候真係嚇死我,吸到好多灰色粉狀嘅物體,細看先知就係塵蟎同埋佢地嘅排泄物同埋屍體,原來我地日日瞓嗰舖眼見好乾凈,原來唔係架!宜家我每個星期都吸一次,吸出嚟嘅灰,即係D塵蟎數目都明顯少咗。


好多人以為拍下床褥及枕頭就得,其實咁樣反而會令又輕又細嘅塵蟎飄到周圍到係,仲更易引起敏感呀!其實只要部吸塵機吸力夠強,就算唔拍打,塵蟎就可以吸走啦!


另外Dyson吸塵機嘅吸力永不減弱,同埋機身入面有兩重過濾網,其中一個更加係醫療級濾網,可過濾99.9%嘅污糟野,比你原本嘅空氣更加乾凈,呢方面對我兩個小朋友嘅健康都好重要,但又係好多家長都會忽略呢!


仲有我覺得Dyson嘅吸塵機係塵埃清潔方面比其他吸塵機都要方便,每次吸完只要打開個集塵筒,就可以直接將垃圾、塵埃通通倒晒出嚟,唔駛每次都要倒水或者換塵袋,真係貴問平用啊!



完了分享會,我就帶小寶看看那些無葉風扇,如果換了這些風扇後,媽媽就再不怕他們玩風扇啦!我們下星期會收到貨啊!好期待呀!



謝謝捷成洋行公關的邀請,他們已邀請我下個月再次上台分享,相信是滿意我的「表演」(其實是真心分享吧!這天也讓孖寶認識到媽媽的「工作」啊!讓他們知道那些愛吃的芝士、藍梅、草莓就是咁賺來的 (實情不是啊!嘻嘻)

產品查詢:捷成消費品 29262300

銷售地黠:各大的電器連鎖店

捷成消費品 Website
Dyson Website
Dyson Facebook