2013年4月11日 星期四

Invisalign 隱適美矯齒記錄:(第13牙套) 完成箍牙了!




[Invisalign 適隱美矯齒運氣真係唔係人人有,行大運的那個就是我XD!!箍牙的人十個有十個需時都有遲無早,比預期加箍我就聽得多,龍鳳媽媽也完全唔會想像得到,我竟然提早完成箍牙了!!!


有少少唔齊及假哨牙的我,矯正整齊牙齒只需要18個牙套 x 每個帶2星期,即是需時大約八個多月,其實已經是好少好少兒科,而我是一個很有決心及堅持的人,一直都好勤力及聽話的每日帶足20-22個小時,好多時候更是帶著吃飯,除了沖涼及刷牙,我與牙套同在。更可能是專科牙醫太掂了!在帶到第13個牙套去檢查及拎箍回家當天,醫生發現我之前車(偷位)的牙縫已經完全沒有空位了,也即是說我的牙齒已經拍整齊了,如果我再繼續帶埋餘下的牙套,那可能某些牙齒會因為咁唔夠位而又哨出來,聽過牙醫的意見,加上箍牙的效果也是我預期的,終於我們都決定完成箍牙!並即時給我準備做牙模,這一個又稱為container,在完成箍牙的半年內都會帶住它,時間限制會少一點,目的就是長期的固定牙齒的位置。



一直以來見過我面的朋友都説Invisalign適隱美透明牙套真係唔覺眼,唔係留心真係帶了都無人知,我一講價錢後大家都說我嗰間好平,仲有不少讀者是我介紹的呢!至於我一直都好關心的side effects,總結在13個牙套x 2星期,即26個星期後,我瘦了有11磅!(我家無磅,係去Bonluxe 葆露絲 follow up先知道),面型有瘦了!(期間也有RF Treatments、徙手整形),總之無論尖面、減磅及整齊牙齒我都有了!後天拍攝TVC可以唔怕露齒地笑了!


想問我醫生資料的人就email 給我啦! email: lungfungmama@yahoo.com.hk

其他矯齒記錄 (重溫):