2012年12月21日 星期五

試車。日產 NOTE


龍鳳媽媽早前獲日產(Nissan)汽車嘅邀請,試一試以勁慳油出名的新推出環保掀背車NOTE! 



早前專業汽車雜誌《Automobile》都公佈佐,NOTE憑其低油耗、小引擎大馬力的嶄新技術,奪得「Car of the Year銅獎」及「最佳小型車2012」,NOTE真係來頭不少呀!



正面車身,大方得體!



側面車身有點似MPV,外型真係超唔錯呀!


簡約外形,富有時代感! 




車身比一般家庭房車為長



雖然車身唔細,但操控靈活,唔會特別難泊位!


跟據車書顯示,車廂內籠有2,065mm長,車廂及腿部伸展空間係同級之最,後座的腳部空間亦得以伸延,無論係乘坐及載物空間都感都超乎想像。 


看看上下兩圖比較,下圖的NOTE嘅內籠真係大好多呢!真係啱哂唔需要用到6-7人車但又想車身內籠大嘅人的選擇! 



後座車廂夠大真的很實用呀!放了兩張大仔car seat,中間坐工人都夠哂位坐,而後座車門開啟角度達到接近直角的近90°令人好驚喜,放car seat、安放BB上車、工人上落都夠哂位又方便!長者上落車,甚至安放大型物件都全無難度, 大大提升後座上落時的空間,真讚! 



之前有朋友係facebook見我說NOTE內籠好大,問我其實是不是只係將車尾箱縮短來把車身拉長?坦白說丫,始終車身長度有限制吧!得一又唔能想二啦!NOTE既車尾箱改向高身發展,空間感同MPV都不相伯仲,我家既左右大孖車放上去都綽綽有餘!而這個設計的優點係後座跟一般揭背車一樣可翻平座椅,可以運載大型或長型既貨或傢俬,夠哂靈活! 



全黑標板配上銀飾金屬線點綴,簡單又有型! 



仲有一些小細節位都係盡顯設計者心思,前排儲物格分上下兩層,細心又實用! 



大屏幕音響等設備及全自動恆溫冷氣系統,最欣賞風口可以360度調較及關閉,超靈活嘅設計!


後排中間乘客座位都配有三點式安全帶,看似細微小節,但當不幸遇上交通意外時,這設計可保平安就值萬金啊!


配有大多新電子系列的新車都已經有嘅按鈕式引擎起動系統,同級數既車唔係架架都有這個 keyless 系統架,但NOTE就原裝跟埋,讚!另外無匙系統,車嘅再沒有匙,賊人捨難取易難下手更安全。



圓形波棍配上皮革,幾好手感!另外有ECO節能行車mode按鈕,當系統啟動時會不斷監察行車起步、加或減速時嘅耗油表現,會自動調節引擎及波箱反應,減低踏油門轉波的動力消耗,可以改善耗油。


NOTE
有個Idling Stop System (ISS) 智能停車熄匙系統,當完全穩踏下break 煞停車時,引擎便會停止運作,一鬆開break 0.4秒內引擎又會隨即重新啟動,再踏油門就可以順暢地加速起步,整個起步過程只需1秒,聰明! 



這個ISS智能停車熄匙系統除了更可慳油之外,最大大大的賣點就係針對停車要熄匙這條環保法例了!車子停下來等候間引擎停頓時,車內的冷氣改由電磁供電,仍在睡的baby不用熱醒,更不用改為開窗吸車外廢氣,這個優點真係絕讚,我最buyNOTE內置動能再生系統,行車時推動發電機和補充電池電量,無須額外油耗。當電池電量充足時,發電機便會停止運作,減低引擎運作令油耗減低。



係永遠高油價嘅環境下,油費開支真係好大架!NOTE公布佐佢既耗油量最低低至24km/L,每公里的油費只係$0.72/km,真係平喎!而且獲香港政府認可為環保汽油私家車之名,係稅務寬減計劃之內,出車可有45%首次登記車稅務寬減,又抵又環保。




上圖:我Day 1 試車有reset個每程里數錶,由九龍灣車廠回美孚用了13公里,那時缸油滿3/4,下圖:到了Day 5還車時,里數錶已是494公里,那缸油竟然只係用到低1/2少少咋!如此推算,以我嘅駕駛習慣來算,豈不滿滿一缸油可以行到over 1200公里?!嘩!以宜家油價平均$16.9一公升來說,NOTE簡直係最經濟之選!真係少數怕長計,每年慳到好多油錢呀!



別看我是師奶一名呀!我可是有十多年的駕駛經驗架!不過NOTE操作簡易,新手都能輕易操控,應付自如。







龍鳳媽媽一家連工人5人,假日去玩,車錢都唔少呢!出年日日接送返學放學走兩轉,有架私家車真係方便好多!唔係追求速度及大馬力,98匹車仔都夠哂用啦!


總結,我最欣賞NOTE

#真正慳油車,少數怕長計,慳得一蚊得一蚊
#車身內籠夠哂大真係好實用
#車仔簡單易操控,女人仔都攪得掂
#平車價及低油費,養車擔子輕了不少
#停車暫停引擎仲有冷氣又不耗油這一點真係好好嘅賣點呀! 




車這科真係唔熟,咩馬力、引擎、驅動、傳動、制動都只係認識皮毛,這篇純粹以有十幾年(真正)駕駛經驗女人仔嘅心態去評這架車。
基本規格:
車型:五門五座位揭背車
引擎:直三燃油直噴超級增壓引擎
排氣量:1,198c.c.

最大馬力:98ps() / 5,600rpm(轉時)
最大扭力:14.5kgm(牛頓米) / 4,400rpm(轉時)
波箱設計:XTRONIC CVT 波箱
驅動:前置引擎、前輪驅動
傳動:電子智能無段變速波箱
懸掛:(前)麥花臣 (後)扭力桿
制動:(前)通風碟 (後)制動鼓
車身尺寸:4,100 x 1,695 x 1,525m m

重量:1,085kg
售價:HK$182,800
查詢:2803 5333(合誠汽車)


寫了這篇試車後感文章,龍鳳媽媽由美容及親子blogger擴展更濶嘅方向!


唔好話我女人仔邊識野丫!?
不過你唔好唔記得,大多家庭中的消費決策者都係女主人呀!

我老公想買樓買車買衫買衫鈕都要問過我呀!嘩哈哈!


如果大家都想好似我咁可以試車, 就可以click入去玩啦!
http://www.facebook.com/NissanHongKong/app_457908990933111