2012年10月31日 星期三

iCook x IC 電磁爐飯堂試煮班


早前龍鳳媽媽參加了一個廚藝班,

原來只要買了新的IC 電磁爐也可以參加試煮班架!

有得玩有得食,當然叫好啦!



試煮班機構iCook位於觀塘地鐵站附近工廈內



其實龍鳳媽媽廚藝超一般的我又真係好需要進修一下呢!



這晚的導師是 Max Wu

他很健談整個過程都係輕鬆的學習,

我也學了一些入廚小貼士啊!



iCook 網站中找到他的小資料,

http://www.icook.hk/html/index.php?option=com_content&view=article&lang=en&id=35



原來他經驗咁豐富,怪不得咁熟練啦!



整班大約是20人,二人一組,十個IC 電磁爐小班教學





我上過幾次的廚藝班都都係用IC 電磁爐的,

一來安裝及安全條例限制比較小,只要有電就那裡都煮得!

二來小小空間如果全用明火的話,真係會烏煙瘴氣呢!

我娘家都係用IC 電磁爐,又真係幾多優點既,





用上IC 電磁爐熱力直透鍋底,熱能不會四散,

煮食時廚房溫度比一般煮食低4-5°C,四周免卻大汗淋漓,

無需燃燒空氣,減低油煙及焦油產生,保持空氣清新,健康安全,

再無污煙瘴氣,特別適合開放式廚房設計!





而且用IC 電磁爐,鍋具底部直接生熱,傳熱效率高達90%
比一般煮食爐高出
1倍以上(一般煮食爐的效能只有40%),
快速加熱,比一般煮食爐煮食時間快1/3又慳位又慳燃料費,夠晒經濟!


用電磁爐,一些傳熱的什件可放在爐面,可用到小小空間,

爐面平滑設計,無需拆開配件逐件清洗,

用完可用清潔劑一抹就乾淨,比起要省的煤氣爐容易得多!





最最最緊要的是安全,

某些電磁爐型號備有時間掣,自定時間熄火,



當鍋具過熱時 (例如「煲乾水」)或離開爐面後,

IC
電磁爐便會自動切斷電源,安全可靠,

所有非導磁物質及直徑少於8厘米的金屬均不會傳熱。

從鍋具傳達的餘溫亦不足以灼傷皮膚,

放手手於爐面旁邊又真係完全唔不燙手呢!



試過都知道啦,電磁爐的熱力強勁,

等同一般中式「小炒」火力,一樣夠哂鑊氣!



說回這次學煮的三道菜!

首先是由導先示範的『潮式梅子煎青花魚』,

龍鳳媽媽好少在家煎魚的,

因為真係好鬼怕大油煙,

總係覺得唔係好健康,



原來做法都好簡單,

首先把魚抹乾,加入醃料拌勻等三十分鐘再抹乾,

另一方面將梅子去核後攪碎備用,

這次我就學會了用多一些油及薑片以中火加熱先,

再俾耐性咁煎完一邊先再煎另一邊,

之後趁熱將梅子肉掃在魚肉上即可,

原來用電磁爐煎魚又真係唔大油煙喎!

而且仲好好味呢!!





第二道是『香蔥燒汁煎豬柳』,

雖然材料及醃料都已經準備好哂,

但總算叫有得實習喇!



將肉扒拌入調味料再攪至醃料汁液被吸收哂為止,

再放入雪櫃冷藏三十分鐘,

加油以中火燒熱,再入肉眼扒煎至兩面金黃,

再加入乾蔥碎及蔥絲以中火炒至軟身,

加入清湯炒勻就可上碟了!

看我的製成品都看似好似樣咁!

其實真係好鬼簡單!





第三道,也是我最期待的『潮式糖醋麵』,

導師說這道菜宜家好少地方有得食架喇!

唔係因為考功夫,而係同煎魚一樣係要考耐性!



先將麵條拉鬆,再以滾水煮熟後盛起瀝乾後再加入適量食油,

以中火加熱適量食油,放入麵條鋪平略煎,

再灑上適量清湯煎至湯汁收乾及金黃香脆,

之後如是者,再反轉再煎另一面,

最後上碟再以砂糖及鎮江醋伴食,

其實唔難煮架!不過就好考心機!

一定要煎好一面才反轉煎另一面,

而且要多些油才會煎得脆及唔濃呢!

看到對面的一組仲煎到心型麵出來呢!未食就心甜啦!

我的製成品賣相無咁靚,不過味道非常好啊!

沾上了果醋及糖一起吃,好好味啊!

這道菜我一定會再試煮啊!!