2012年9月21日 星期五

千言萬語。食奶問題

上一篇的心情文,我老公跟我說很感動,還鼓勵我繼續寫,我跟他說:生活迫人呀!那有這麼多時間回顧呢?!而且不會天天好似上次咁有感而發啦,不過,說好的一萬字還是會寫給他的!


上回說到龍鳳媽媽餵人奶三個月患了乳線炎,更嚴重得要往胸開刀做手術而停止餵人奶,初時未有太多精神考慮太多,只好就跟返那期醫院餵食的『能因』奶粉,雖然孖寶肯飲,不過我試過,味道認真難飲呀!自從吃了奶粉之後,小寶妹吃奶量一直都沒有多升上去!



哥哥飲奶就沒多大有問題,算是煩少了一個,苦笑!



小寶妹飲人奶時可曾經長肉肉包包臉呢!使我有滿足感的!



最大問題係孖寶飲這『能因』大便有困難呢!看著他們好辛苦,又唔知發生咩事所以大叫大喊,大便這問題真係好令媽媽苦惱,最後都頂唔順,帶他們睇了西醫,吃人生的第一次藥,吃藥嚎啕大哭令人心酸,而且我要餵兩個bb,苦了我及老公,更苦了他們。。。

即時考慮應該轉邊隻奶粉好呢?有說其實大部份品牌的奶粉配方大同小異, 當時日本奶粉有問題,我當然沒有考慮啦!於是只是找一隻比較易買唔會成日斷貨的來轉,現在想起都覺得自己好唔科學,真係師奶一名!



轉了奶粉之後,大便有少少改善,不過都唔係天天有大便,最煩的是隨之而來就是小寶妹開始厭奶!!!一支奶次次只飲三四安僅僅糊口有飽肚感就唔飲,細時就半睡半醒狀態咁餵食,大個了就點迫都係唔飲,再迫就大叫大喊,打鬧都沒用,看過醫生檢查又話她無問題,於是長期的跟她作戰起來,少食多餐的分段式打游擊飲得幾多得幾多,可幸終於捱到了可以吃粥仔的階段,有其他食物補充返能量及營養。

不過自從之後小寶妹開始瘦,雖則影相仍然影到小包包臉,但今年二月足一歲時,返去健康院看生長線時只是排行5/100(大寶哥生長線時係@25/100,唉!)


現在17個月了!小寶妹才剛過20磅, 雖則明白每一個小朋友的成長都有分別的道理,但睇住媽媽會裡面的其他同齡bb重得快,我個心成日形住自己照顧不好呢!真係令我好咀喪氣餒。。。


小寶妹的飲奶情況一直如是,不時都有考慮轉唔轉奶粉好,又係諗餐死,但大寶哥飲得唔錯有長肉肉又唔想轉來轉去,結果一拖再拖。。。



好偶然1-2次,小寶妹會飲哂支奶,我當係中大獎咁開心。在facebook 內的 friends都感受到我對她厭奶的困擾啦!



直到早陣子再次飲得好少好少,加上之前帶她見人,個個也說她好瘦。。。於是激發我上網去一些 baby forum搜索資料轉奶粉!當中都有不少媽媽提及『Illuma』且口碑不錯,連我身邊某2個媽媽早前都轉了飲,我就特別留意,知道同『惠氏』奶粉一樣都是同屬『惠氏藥廠』研發的,更特點順應BB天然的營養所需,成份最接近人奶。

根據官網資料http://www.illuma.com.hk/tc/:『Illuma』由歐洲 (愛爾蘭) 原裝進口,配方奶粉以領先科技並順應自然,開創了「親和人體配方」,即是為支持BB關鍵營養的吸收而設計。


以我的理解,『Illuma』內的一種特別的營養素Sn-2 Palmitate (Sn-2棕櫚酸),係模擬BB其中一種天然營養所需既脂肪,也是在母乳的脂肪中找到!所以會說接近人奶的奶粉,而且是其他的品牌都沒有找到的配方呢!加上『Illuma』又不含蔗糖,比起會有機會導致小孩痴肥的蔗糖奶粉更健康。我在網上搜尋了一些資料,(網上資料:http://the-sun.on.cc/cnt/news/20120525/00410_042.html)原來有研究指含Sn-2 Palmitate的配方奶粉能幫助軟化便便架!仲可減少脂肪酸與鈣質的流失,聽落真的唔錯!



又見到網上的媽媽話係『惠氏媽媽會』可打電話去登記,就免費送一罐900g(saleable
size)
奶粉,仲係由速遞送上門呢!見有口碑又無BB食了有大問題,加上問了家庭醫生的意見,我都即管試下!我地係孖B,仲送了2罐給我呢!


小寶妹又真係肯食喎!而且仲唔夠喉呀!真係大大驚喜啊!



其實我都覺得好貴架!如果轉食『Illuma2bb奶粉開支會好高,不過孖寶都17個月大了,都唔食奶得好耐,而且老公這個科學人都認同配方,如無問題,應該會繼續食既,希望好快見到小寶妹長肉,下次歲半時去健康院檢查,生長線會大升!!


千言萬語。。。待續