2012年8月22日 星期三

Invisalign 隱適美矯齒記錄:確認報告


唔駛等2個星期就可以睇我的第23D電腦模擬分析報告喇!好快喎!報告說要全棚牙磨0.5mm,仲要做32個牙套,即大約要年多先得,雖然將咀巴收入的效果好一些,不過突然由17個牙套加至32個,又將時間拉長咁多我有些驚訝,反而一開始話我知係要年多完成又無咁難接受呢!醫生又好好喎,就係咁主動幫我做第3個報告俾我揀,我都係去到才知道,好意外驚喜呢!第3個方案就係部份牙磨牙0.5mm,牙套只比第1個方案多1個,即係18個就得,時候只差2星期都係7-8個月就可以完成就可以將咀巴微微收入多少少,雖然只係少少不過都好過無,羅醫生給了我很多專業意見及講解,其實我唔係屬於哨牙一族,可以收咀巴的幅度真的好有限,而且總括來說還是很快可以完成,於是我就簽了同意書喇!係Invisalign的電腦系列一按確認,牙套開始造了!無得縮沙了!


2012年8月19日 星期日

龍鳳寶寶:膠袋的負重

2012-08-19

昨天又在執拾東西準備搬家,
無疑問有2BB在旁,
進度會慢100倍!
這天跟小寶妹妹玩玩,見她咁鬼細粒及輕磅,就放入膠袋內
爸爸拎起她
她還覺得幾得意的笑笑呢!


在旁邊的哥哥唔抵得又要玩埋一份,
他比妹妹重一個身位呢!
膠袋就是負重到他的重量

2012年8月16日 星期四

Invisalign 隱適美矯齒記錄:電腦模擬分析報告 (片段)





這個就是Invisalign總公司利用電腦科技將之後做好的牙模轉換成立體圖像,加上牙醫的診斷及已編寫的療程表,再以高度精密的分析,把整個療程模擬出來,使我在療程前可以了解及清楚預計牙齒於療程中移動的每一細節及療程要用的牙套及時間作出預算,同時我可以預見到箍牙之後的牙齒位置及形態,真係好先進呢!

2012年8月15日 星期三

Invisalign 隱適美矯齒記錄:電腦模擬分析報告


今日去佐了睇我的3D電腦模擬分析報告喇!! 好消息是知道自己屬simple case!我只需要17 個牙套,即大約只七個多月就OK!不過如果只磨幾隻牙0.2mm,整完出來只會將少少哨及亂的牙整返齊,係做唔到我心目中將咀巴收入去的效果 (唔識點形容添),同羅醫生相量近一小時,他給了我很多專業意見,終於決定做多一個磨0.5mm3D電腦模擬分析報告,等我看過效果先決定點整,先再做牙套,始終是大事件啊!一定要考慮清楚先決定嘛!我真係無揀錯這個醫生,好明智的決定!不過又要再等多2個多星期才再出報告囉! 今日影了好多相,仲拍了個3D電腦模擬動畫,好唔好寫多篇blog來詳盡記錄呢?!


2012年8月10日 星期五

Invisalign 隱適美矯齒記錄:牙模


見到早前的第一及第二個牙模啦!咁樣見到自己的牙感覺好得意,牙模連X-Ray及照片會一併send去美國加州 Invisalign Head Office,利用電腦3D 分析再出電腦模擬報告,好快就會知道究竟我會幾多個牙套,就知道我要箍幾耐,2-3星期之後,龍鳳媽媽的矯齒生涯才真正正式開始...


2012年8月8日 星期三

Invisalign 隱適美矯齒記錄:價錢


今日打電話去牙醫診所問清楚了!原來我全部只需要三萬幾咋!

第一次檢查 free3DX-ray、印牙模、電腦3D模擬報告收先收$6000,之後尾數可以東亞、滙豐信用卡最多24月分期,以中環地段、儀器及牙齒名氣及經驗計,個價係我問過咁多間最ok呀!約好明天就去印牙模啦!